好唔開心...好大壓力...
唔知點解  每次好唔開心既時候  都想打上黎xanga

感覺自己既壓力越黎越大
就黎大到自己都應付唔到...好難熬...究竟幾時先可以熬過呢一關...

有陣時~做人係需要面對現實...
想還想...但係 可唔可以實現到 係兩回事
希望自己可以學下睇開D啦~
唔開心一定會有...但係  都要去面對~
以後都係唔好對D未發生既事有咁大寄望...只會令到自己個心唔舒服...

就黎日記變年記啦...哈哈~~~呢度冇人再黎睇...自己打野上黎都打得放D...

唔甘心...好唔甘心...

要努力...為將來  為所有野而努力

唔可以睇死自己  唔可以比所有人睇死

要比所有人做得更好!!!!

終於...終於都賣左架車...

好唔捨得...真係好唔捨得...賣之前既一刻...覺得好心酸

可能佢係我既第一架車啦...好深既感情

本身以為一定好快會再買車...但係唔知點解  開始由一定 變做 可能...可能 變做 冇可能

感覺失望... 

我記得 當架車未賣之前...有陣時我悶既時候   我會落停車埸睇下佢
係停車埸兜下圈...而家 悶既時候都會諗起佢
唔知會唔會有一日   係街再見返佢呢

可能未適應啦...賣左架車之後...未有一日開心過